Әғүүҙү билләәһи минәш- шәйтанир - ражиим. Бисмилләәһир- рахмәәнир- рахиим. Әссәләмәғәләйкүм үә рахмәтуллаһи үә бәрәкәтүһ, хөрмәтле төркөмдәштәр!
Мин һеҙҙең иғтибарығыҙға Мәүлетбай Ямалетдиновтың «Ҡөрьән сүрәләренә шиғри аңлатмалар» китабынан шиғри форма аша сағылдырылған Ҡөрьән сүрәләренең ҡайһы берҙәрен тәҡдим итергә ниәт ҡылдым. Аллаһ риза булһын!
Ете аяттан торған " Фатиха"сүрәһе Мөхәммәд саллаллаһу ғәләйһи үә сәлләмгә асылған иң тәүге хәҡиҡәттәрҙең береһе. Ҡөрьәндең үҙендә ул "Иң йыш ҡабатланыусы ете аят" булараҡ телгә алына. ( Хиджр" сүрәһе, 87- се аят), сөнки "Фатиха" сүрәһе һәр бер мосолман тарафынан намаҙ ваҡыттарында даими уҡыла. Пәйғәмбәребеҙ Мөхәммәд ғәләйһи үәссәләм үҙенең хәҙистәрендә был сүрәне "Ҡөрьән Кәримгә инеш ",тип
атай һәм уны ошолай нарыҡлай:" Фатиха әл- Китап сүрәһе уҡылмаһа, бер генә доға ла ҡабул була алмай".
Сүрә Мәккәлә ингән, 7 аяттан тора.
1. Әл- Фәәтихәһ(ФатихаИнеш )сүрәһе.
Бисмилләәһир- рахмәәнир- рахиим
1. Барса маҡтау бер Аллаға, Ул- ғаләмдәр хужаһы.
2. ( Сикһеҙ) рәхмәт һәм мәрхәмәт бүтән кемгә хас тағы?
3. Ул ҡиәмәт Көнөнөң дә( берҙән- бер) падишаһы.
4. ( Әй, Алла), тик һиңә генә беҙ ғибәҙәт ҡылабыҙ,
Һинең генә ярҙамыңа ялбарышып ҡалабыҙ:
5. Күрһәт беҙгә тура юлды, хаҡлыҡ юлына күндер,
6. Ниғмәттәреңә ирешкән заттар рәтенә индер.
7. Асыуыңа дусар булған, аҙашҡан ҡолдарыңдан
( Айыр беҙҙе, һәм) төшөрмә уларҙың юлдарына.